Gaur deitutako greba eguna handia izatea espero dute. Askatasunaren martxara milaka katalan batu dira eta gaur Bartzelonako sarrera nagusiak blokeatzea aurreikusten dute.

Bihar Gure Eskuk manifestazio nazionalera deitu du Donostiara, alderdi eta sindikatu askoren babesarekin.

gure-eskuk-manifestazioa-deitu-du-donostian-larrialdi-demokratikoa-dela-eta/

Horrez gain astelehenean elkarretaratze ugariak egin ziren Euskalerriko herri askotan eta ikasleek ere greba handia egin zuten atzo. 

Berria

Askatasunaren Aldeko Martxak gaur amaituko dira, Bartzelonan. Helburua da gaur Katalunia geratzea, eta martxetako partaideek Bartzelona sarrerako errepide nagusiak blokeatuko dituzte

Askatasunaren Aldeko Martxetan beste milaka lagun batu dira bigarren egunean. Tarragona, Tarrega, Vic, Berga eta Gironatik atera ziren asteazkenean, eta gaur iritsiko dira Bartzelonara.

Gironakoa 13:45ean, Akbar torre ingurutik sartuko da hiriburura. Berga eta Vic-eko besoak Meridianako ibilbidetik sartuko dira 13:00etan, eta Tarregako eta Tarragonako besoak Diagonal aldetik sartzea espero dute, 15:00etan. Hogei kilometroko bost etapa egin dituzte.

Joan den asteazkenean abiatu zirenetik, milaka pertsonak oinez itxi dituzte Kataluniako errepide nagusiak —A-2a, AP-7a eta C-12a, C-58a eta N-IIa, besteak beste—. Gaur, berriz, asmoa da Bartzelonara sartzeko sarrera nagusiak ere blokeatzea.

Gero, 17:00etan Intersindical- CSCk eta Intersindical Alternativa de Catalunyak egin duten deialdiarekin bat egin dute, eta manifestazioan parte hartuko dute martxista guztiek, Graciako lorategietatik abiatuta.

ANCk eta Omniumek antolatutako martxak izan dira. ANCko Elisenda Paluzie Manresako zutabean egon da, eta Omnium-eko Marcel Mauri La Garrigakoan. Espainiako Auzitegi Gorenaren sententzia jakin ostean, preso politikoak askatzeko eskatzeko eta independentzia aldarrikatzeko abiatu ziren martxak. Lelo horiek ahoan zein gorputzetan jarrita egin dituzte dozenaka kilometro milaka pertsonak hiru egunetan Kataluniako hiriburura bidean.

(jarraitzen du)